En 2024 os veciños e amigos de San Xusto acordamos organizarnos axeitadamente para traballar en eventos e iniciativas que sexan beneficiosas para o noso pobo, e con ese fin constituimos a “Asociación Cultural, Deportiva, e Recreativa Reventabois” que desenvolverá as súas actividades no ámbito local e ten o seu domicilio en, San Xusto (Carballeda de Valdeorras).
Os fins principais da nosa asociación son:
- Impulsar e promover todas aquelas actividades que contribúan á formación cultural, deportiva e recreativa das persoas asociadas.
- Intervir e cooperar xunto a entidades públicas na mellora dos servizos e programas educativos, culturais, deportivos, recreativos...
- Potenciar e fomentar o uso e o perfeccionamento do noso idioma, a lingua galega.
- Promocionar actividades dirixidas á mocidade, mulleres e maiores.
